Почитувани,
На ден 10.02.2024 г. нашите стрелци Мартин Ангелески и Анастасија Мојсовска со воздушна пушка и Биљана Караѓорѓиева и Марија Шиндева со воздушен пиштол учествуваа на традиционален натпревар во Приштина. Нашите стрелци на натпреварот освоија први места во три категории и тоа Мартин Ангелески во дисциплината воздушна пушка 60 мажи со испукани 624,1, кругови кој воедно е и негов личен и Државен рекорд, 
Анастасија Мојсовска со воздушна пушка 60 жени со резултат од 621,9 кругови и Биљана Караѓорѓиева во дисциплината со воздушен пиштол жени со резултат од 532 кругови. На овој натпревар настапи и младата јуниорка Марија Шиндева која погоди 516 кругови.
Анастасија Мојсовска со воздушна пушка 60 жени со резултат од 621,9 кругови и Биљана Караѓорѓиева во дисциплината со воздушен пиштол жени со резултат од 532 кругови. На овој натпревар настапи и младата јуниорка Марија Шиндева која погоди 516 кругови.На посебна церемонија беа поделени дипломи за спортистите додека Претседателот на Косовската Стрелачка Федерација Г-дин Гезим Хазролли додели плакети на Претседателот на МССФ Г-дин Јордан Тасевски и на Претседателот на Албанската Стрелачка Федерација Г-дин Стефан Рруфа како благодарност за повеќегодишната соработка и поддршката на спортското стрелаштво. Во меѓусебен разговор Претседателите на трите федерации во иднина договорија континуирана меѓусебна соработа со цел подобар развој на спортското стрелаштво во овој регион и поддршка на досегашните одлични резултати на младите спортисти со цел постигнување на уште поконкурентни резултати на европско и светско ниво во областа на спортското стрелаштво.
