МССФ - Македонска Спортска Стрелачка Федерација

11-ти ГРАНД-ПРИ СКОПЈЕ 2017

web baner2017-01 1

 

Генерални информации

 

 

 

Македонските спортски стрелци се претставија во добро светло на ЕП МАРИБОР 2017

Во Словенија од 6-12 Март 2017 се одржа Европското првенство во воздушно оружје 10 метри „МАРИБОР 2017“. На ова европско првенство учествуваа 3 сениорски репрезентативци во спортско стрелаштво од Република Македонија: Нина Балабан и Антонија Андонова Тасевска во дисциплината Air Rifle Women 40 и Борјан Бранковски во дисциплината Air Pistol Men 60. Македонските репрезентативци на европското првенство се претставија во добро светло и нив ги предводеше селекторот на државната репрезентација во спортско стрелаштво на Република Македонија-Јордан Тасевски.

Во конкуренција од 81 најдобри европски натпреварувачки, Нина Балабан во дисциплината Air Rifle Women 40 го освои 16-тото место со резултат од 415.1 кругови (серии: 102.7; 102.7; 105.0; 104,7) и тоа е нејзин највисок постигнат резултат на едно европско првенство досега. Од влезот во финалната борба во оваа дисциплината ја делеа само 1.5 кругови.

На европско првенство за првпат во истата дисциплина Air Rifle Women 40 дебитираше и сениорката Антонија Андонова Тасевска која постигна резултат од 392 кругови (серии: 95.9; 98.2; 96,9; 101.) што по величина е резултат од класата на MQS –норма за можно учество на Олимписки игри.

Во дисциплината Air Rifle Women 40  во квалификационотот дел од натпреварот највисоки резултати постигнаа: Nikola MAZUROVA-CZE 418.4; Yulia KARIMOVA-RUS  417.6; Franziska PEER AUT -417.2. Но, сепак во финалната борба во оваа дисциплина златниот медал го освои Snjezana PEJCIC-CRO 249.1; сребрениот и припадна на Stina NIELSEN-DEN 247 додека бронзаниот отиде во рацете на  Daria VDOVINA-RUS 224.1)

Сениорот Борјан Бранковски исто така за првпат дебитираше на едно европско првенство во дисциплината Air Pistol Men 60 и исто така оствари резултат од 563-19х кругови  (серии: 94,95,93,96,96, 89) и пласман на 61 место. Резултатот пто го постигна Борјан по величина е исто така резултат од класата на MQS–норма за можно учество на Олимписки игри. Во квалификацискиот дел од  натпреварот најдобар резултат од 582 кругови во оваа дисциплина постигнаа дури 4 напреварувачи (Pablo CARRERA-ESP  582-24x; Nikolai KALIN-RUS 582-24x; Cristian REITZ-GER 582-21x; Mathiev PERIE-FRA 582-15x), но во финалето сепак златниот медал го освои Cristian REITZ-GER 241.6, сребрениот Damir MIKEC-SRB 241.4, додека бронзата му припадна на Ismail KELES-TUR 220.7

На стрелиштето Камник во Скопје одржано Државното првенство во војничка пушка

На 2 Октомври во Скопје на стрелиштето Камник се одржа Државното првенство во војничка пушка во калибар 7,9 мм и 7,62 мм ПАП.

Во дисциплината војничка  пушка калибар 7, 9 мм првото место го освои Јовица Гелевски од СК Стрелец  со резултат од 185 кругови, втор беше Драгослав Кудрановиќ од СК Стрелец со резултат 163 кругови, а трет беше Благој Рунчев од СК Штип со резултат од 153 кругови.

Во дисциплината војничка  пушка калибар 7,9 мм – екипно, првото место го освои екипата на СК   Стрелец со резултат од 495 кругови, втора беше екипата на СК Штип  со резултат од 405, а трета беше екипата на СК РЕК Битола со резултат од 329 кругови.

Во дисциплината војничка  пушка калибар 7,62 мм ПАП, првото место го освои Марјан Ивановски од СК Штип со резултат од 159 кругови, втор беше Јордан Тасевски од СК Стрелец со резултат 155  кругови, а трет беше Драгослав Кудрановиќ од СК Стрелец со резултат од 145 кругови.

Во дисциплината војничка  пушка калибар 7 62 мм ПАП првото место го освои екипата на СК Стрелец со резултат од 423 кругови, втора беше екипата на СК Штип  со резултат од 374 кругови, а трета беше екипата на СК РЕК Битола со резултат од 458 кругови. 

Македонски спортски стрелец учествуваше на Олимписките игри РИО 2016

Од 5 до 21 Август 2016 г. во Бразил се одржаа 31-те  Олимписки Игри РИО де Женеиро 2016. За  овие Олимписко игри по админстративна постапка беше обезбедено учество за еден спортски стрелец од Република Македонија  во  дисциплината AR 40. Спортскиот стрелец Нина Балабан која зема учество во оваа дисциплина, оствари резултат од 407,7 кругови и се пласира на 42 место.

Златниот олимписки медал во оваа дисциплина го освои 19 годишната Virginia Thrasher (USA) со резултат  од 416,3 кругови со кој оствари влез во финалето и резултат во финалето од 208,8 кругови. Младата  Virginia Thrasher со само една година меѓународно спортско искуство и претходно учество на само три светски купа  во организација на ISSF (Светскиот куп  Габала 2015, Светскиот куп Рио де Женеиро 2016 и Светскиот куп Минхен 2016) го освои на Олимписките игри првото место во својата дисциплина и со тоа го оствари највредниот планетарен спортски успех. Сребрениот медал го освои Li Du (CHN) со резултат 420,7 кругови за влез во финале  и резултат во финале од 207 кругови.  Бронзениот медал  го освои Siling Yi (CHN) со резултат 415,9  круговиза влез во финале  и резултат во финале од 185,4 кругови.

Во истата оваа дисциплина забележителен успех  во ОИ РИО 2016 постигна и младата Fernanda Russo (ARG) која со само 16 години возраст оствари пласман на 20 место сопостигнат резултат од 414,4 кругови.

 

Страница 1 од 7

Линкови

Go to top